Met Bondye Nan Sa Songtext

An n kase tèt tounen
pou nou redemare
fòk nou [konn kote nou prale]
Nou gen yon sèl chimen
!pfm kmfdoe!ffhb
nou pa ka debraye
[fòk nou ka rasanble]

Si n gade douvan glas
n a wè nou se pòtre
fòk nan kè ou gen plas
pou mwen ka soulaje
Nou se kabrit menm ras
nan savann dezole
n ap travèse menm pas
flanbe nan menm dife

Si nou pa mete men
pou nou rebat lakat
[nou deja al brachat]
pou n gen w pi bèl denmen
fò n pa sispann konbat
[se ansanm n ap debat]

Nou met nanm nan boutèy
Lespri n toujou andèy
Nou sipto simen poud
Tan pou n kwaze lekoud
N ape fè kwi-monte
Menm lè n pa ka manje
An nou rekonsilye
An n fè plas pou Bondye

Refren 1
Anye Anye
nan menm chenn nan n ye [bis]

Refren 2
An nou ranje sa
An nou chanje sa
Met Bondye nan sa [bis]

Lanmò ape suiv nou [anye]
menm lè n al lòtbò dlo [anye]
e depi nen pran kou
[se je ki kouri dlo]

An n sispann jete dlo [anye]
Sispann bay kou nan do [anye]
Rele govi nan dlo
Ap fè n mache pa do

Refren 2

Depi pye ou glise [anye]
se mwen-menm ki tonbe [anye]
si kè mwen pa sote
[mwen an sekirite]

Menm si n pa menm plimay [anye]
Nan san nou se tokay [anye]
An n sispann bay piyay
Nan Bondye pa gen fay

Tibob De Nazareth Met Bondye Nan Sa songtext